bangungot.

di ako mapakali
kahit na ako'y nakangiti at
nakikipagbiruan
di ko maiwasan na hindi isipin
at pilit na lang bumabalik sa utak
ko
na paano kung totoo
ang masamang panaginip na'to

meron ba talagang ibig sabihin
o meron bang ipinahihiwatig
ano nga ba ang dapat gawin?
o kaya'y ano ba ang tamang isipin?
nalilito kasi ako at nagaalala
na baka bukas makalawa'y
wala ka na.

Seryoso chong. natatakot ako. nagising ako sa isang bangungot kaninang madaling araw. namatay daw yung kaibigan ko. isang matalik na kaibigan na simula mga bata pa kame e nakilala ko na siya. hanggang sa lumaki na rin kame. nagbanda. nangarap. pero dumating ang isang araw na pinili niyang mapalayo sakin. samin. pero hinayaan ko lang siya. at sinabi ko sa sarili kong babalik din siya. di nagtagal nawala na ang galit at sakit na naramdaman. pero hindi na katulad ng dati. nagkaroon na siya ng sariling mundo. mundong pinili nya. mundong di na umiikot samin, ang mga kababata niya. dumaan ang mga araw at alam kong naaalala pa rin niya ako. nagparamdam siya sa fs at biniro niya ako. magandang pangitain.. buhay pa ang kaibigan ko! pero ang hindi ko maintindihan e bakit biglang mapapanaginipan ko siya sa ganuong kalagayan... malamig at wala nang buhay.

siyet. parang hindi ko kakayanin kung totoo man iyon. meron bang magandang loob na puede magsabi kung anu ang ibig sabihin ng panaginip ko?

kung meron man, maraming salamat po!

wirdo.